السـلام عليكم ..
حبيت احط هالموضوع لكيفية عمل صوره متحركه
عشان تسوي صوره متحركه تحتاج لبرنامج الفوتوشوب اللي يجي معه برنامج الإمج ردي
الفوتوشوب تجلس تسوي عليه التصاميم والإمج ردي تخلي هالتصاميم متحركه
عشان كذا تحتاج لهالبرنامجين مع بعض
مقاس البنر مختلف على حسب المكان اللي تبي تحطه فيه انت تشوف وش يناسب
ومع التجربه وتغيير الحجم وكذا بتصير تعرف
وتقاس المقاسات عادة بالبكسل ..
نبدا بسـم الله
نفتح الفوتوشوب ونختار جديد
ونحدد المقاسات زي الصوره
بيصير عندنا زي كذا
نختار اداة التحديد المربعه ونسوي شكل مربع
نلون الشكل بأي لون تشوفونه حلو بأداة الدلو حقت التلوين
نسوي عليه تأثيرتا عن طريق الفلتر او المرشح
وانا سويت عليه هالتأثير
بعدين من عند الليرات نضيف لير جديد
من الأداه الفرشه نختار اي شكل فرشه ونضيفه
بعدها لو تبي تضيف صوره من ملف بعدين فتح وتختار الصوره اللي تبيها وتسوي لها قص ولصق على تصميمك انت
بعدها تكتب الكلام اللي تبيه عن طريق اداة الكتابه
وكذا تصير الصوره قبل لا نخليها بنر متحرك
بعد ما سوينا الصوره
نفتح على الإمج ردي عن طريق الضغط على صورة الريشه في الفوتوشوب
وراح ينفتح لنا برنامج الإمج ردي وهو يشبه شكل الفوتوشوب
نتأكد ان اللي تحت موجوده
لو كانت موب موجوده نروح لوندوز ونختار انميشن ( نافذه وبعدين متحرك ) => موب متأكده منها بالعربي
ومن الأنميشن اللي تحت نزود لير جديده
نتأكد انا وافقين على اللير الثانيه في بوكس الأنميشن
الحين نروح عند الليرات اللي على اليمين
ونضغط على علامة العين اللي عند كلمة بوابة الإنترنت الرقميه وراح تختفي هالعين لما نضغط عليها
بعدين نرجع للبوكس حق الأنميشن
ونضغط على علامة النجمه
نلاحظ ان الصوره صارت زي كذا
هذي اول خطوه نعرف فيها شلون نسوي بنر متحرك
فيه حركات ثانيه واشياء ثانيه لكن هذي ابسط شي
ابحثو في قوقل عن تصميم متحرك او زي كذا
واستفيدو من الدروس
اي سؤال لا يردكم إلا كيبوردكم اسدحوه هنا
بالتوفيق